पालघर, दि. २९ सप्टेंबर २०२६ : नागरिकांच्या तक्रारी आणि अडचणींचे निराकरण करण्यासाठी आयोजित करण्यात येणारा जिल्हास्तरीय लोकशाही दिन सोमवार, ५ ऑक्टोबर २०२६ रोजी पालघर येथे आयोजित करण्यात आला आहे.
जिल्हास्तरीय लोकशाही दिनाचे आयोजन प्रत्येक महिन्याच्या पहिल्या सोमवारी करण्यात येते. त्यानुसार ऑक्टोबर महिन्यातील लोकशाही दिन जिल्हाधिकारी डॉ. इंदु राणी जाखड यांच्या अध्यक्षतेखाली सोमवार, ५ ऑक्टोबर रोजी दुपारी १ वाजता जिल्हाधिकारी कार्यालय, पालघर येथे होणार आहे.
अर्जदारांनी वेळेत उपस्थित राहावे
लोकशाही दिनासाठी अर्ज केलेल्या नागरिकांनी संबंधित प्रकरणाची आवश्यक माहिती आणि कागदपत्रांसह निर्धारित दिनांक व वेळेत प्रत्यक्ष उपस्थित राहावे, असे प्रशासनाच्या वतीने कळविण्यात आले आहे.
नागरिकांनी आपल्या तक्रारी आणि निवेदनांच्या अनुषंगाने आवश्यक कागदपत्रे सोबत आणावीत, जेणेकरून संबंधित विषयावर आवश्यक कार्यवाही करता येईल.
